ఆర్‌బీఐలో 322 ఆఫీస‌ర్ జాబ్స్‌.. నెలకు రూ.83 వేల వరకూ జీతం.. దరఖాస్తు ప్రక్రియ ప్రారంభమైంది | rbi recruitment 2021 rbi grade b officers job notification for 322 jobs

RBI Grade B Recruitment 2021: రిజ‌ర్వ్ బ్యాంక్ ఆఫ్ ఇండియా స‌ర్వీసెస్ బోర్డు 322 పోస్టుల భ‌ర్తీకి ద‌ర‌ఖాస్తులు కోరుతోంది. ఈ పోస్టులకు సంబంధించిన దరఖాస్తు ప్రక్రియ ఇప్పటికే ప్రారంభమైంది.

రిజ‌ర్వ్ బ్యాంక్ ఆఫ్ ఇండియా(ఆర్‌బీఐ)కి చెందిన ముంబ‌యిలోని రిజ‌ర్వ్ బ్యాంక్ ఆఫ్ ఇండియా స‌ర్వీసెస్ బోర్డు 322 పోస్టుల భ‌ర్తీకి ద‌ర‌ఖాస్తులు కోరుతోంది. ఈ పోస్టులకు సంబంధించిన దరఖాస్తు ప్రక్రియ ఇప్పటికే ప్రారంభమైంది. ఫిబ్రవరి 15 దరఖాస్తులకు చివరితేది. పూర్తి వివరాలకు https://www.rbi.org.in/ వెబ్‌సైట్‌ చూడొచ్చు.

మొత్తం ఖాళీలు: 322
1) ఆఫీస‌ర్స్ ఇన్ గ్రేడ్‌-బి (డీఆర్‌) జ‌న‌ర‌ల్‌-పీవై 2021: 270 పోస్టులు

• అర్హ‌త‌: క‌నీసం 60% మార్కుల‌తో ఏదైనా గ్రాడ్యుయేష‌న్‌/ త‌త్స‌మాన (లేదా) పోస్టు గ్రాడ్యుయేష‌న్/ స‌ంబంధిత టెక్నిక‌ల్ స‌బ్జెక్టుల్లో ఉత్తీర్ణ‌త‌ ఉండాలి.

2) ఆఫీస‌ర్స్ ఇన్ గ్రేడ్-బీ (డీఆర్‌‌) డీఈపీఆర్‌-పీవై 2021: 29 పోస్టులు (డిపార్ట్‌మెంట్ ఆఫ్ ఎక‌న‌మిక్ అండ్ పాల‌సీ రిసెర్చ్‌)
అర్హ‌త‌: క‌నీసం 55% మార్కుల‌తో సంబంధిత స‌బ్జెక్టుల్లో మాస్ట‌ర్స్ డిగ్రీ/ త‌త్స‌మాన/ పీజీడీఎం/ ఎంబీఏ (ఫైనాన్స్‌) ఉత్తీర్ణ‌త ఉండాలి‌.

3) ఆఫీస‌ర్స్ ఇన్ గ్రేడ్‌-బీ (డీఆర్‌) డీఎస్ఐఎం-పీవై 2021: 23 పోస్టులు (డిపార్ట్‌మెంట్ ఆఫ్ స్టాటిస్టిక్స్ అండ్ ఇన్ఫ‌ర్మేష‌న్ మేనేజ్‌మెంట్‌)
అర్హ‌త‌: క‌నీసం 55% మార్కుల‌తో స‌ంబంధిత స‌బ్జెక్టుల్లో మాస్ట‌ర్స్ డిగ్రీ ఉత్తీర్ణ‌త ఉండాలి‌.

ముఖ్య సమాచారం:

• వ‌య‌సు: 01.01.2021 నాటికి 21-30 ఏళ్ల మ‌ధ్య ఉండాలి. ఎస్సీ/ఎస్టీల‌కు ఐదేళ్లు, ఓబీసీల‌కు మూడేళ్లు, పీడ‌బ్ల్యూడీ అభ్య‌ర్థుల‌కు ప‌దేళ్లు గ‌రిష్ఠ వ‌య‌సులో స‌డ‌లింపు ఉంటుంది.
• ఎంపిక విధానం: ఆన్‌లైన్ ఎగ్జామినేష‌న్ ఫేజ్‌-1, ఫేజ్‌-2, ఇంట‌ర్వ్యూ ఆధారంగా ఎంపిక ప్ర‌క్రియ ఉంటుంది.
• ద‌ర‌ఖాస్తు విధానం: ఆన్‌లైన్ ద్వారా ద‌ర‌ఖాస్తు చేసుకోవాలి.
• ద‌ర‌ఖాస్తు ప్ర‌క్రియ ప్రారంభం: జనవరి 28, 2021.
• ద‌ర‌ఖాస్తుకు చివ‌రి తేది: ఫిబ్రవరి 15, 2021.
• వెబ్‌సైట్‌:https://www.rbi.org.in/