భోజనం తర్వాత శృంగారం చేయొచ్చా? ఎలాంటి సమస్యలు వస్తాయి?

 

• మనిషికి ఆహారం ఎలాంటిదో సెక్స్ కూడా అలాంటిదే. ఆహారం కడుపు నింపితే.. సెక్స్ శరీరానికి సుఖాన్ని ఇస్తుంది. ఒత్తిడి దూరం చేసి శాంతిని ప్రసాదిస్తుంది. అలాంటి సెక్స్‌ను మనం ‘బూతు’గా భావిస్తే.. ఆరోగ్యాన్ని వెనక్కి నెడుతున్నట్లే లెక్క. అయితే, సెక్స్ అనగానే చాలామందికి చాలా రకాల సందేహాలు వస్తుంటాయి. సెక్స్ ఏ సమయంలో చేస్తే మంచిది? కడుపు ఖాళీగా ఉన్నప్పుడు సెక్స్ చేయొచ్చా? లేదా కడుపునిండా తిన్న తర్వాత చేయాలా? ఇలా ఎన్నో అనుమానాలు వెంటాడుతుంటాయి. మన దేశంలో ఎక్కువ మంది పగలు కంటే రాత్రి వేళల్లోనే సెక్స్ చేయడానికి ఆసక్తి చూపుతారు. అది కూడా రాత్రి శుభ్రంగా భోజనం చేసిన తర్వాత నిద్రకు సిద్ధమవుతున్న సమయంలో రొమాన్స్ మొదలుపెడతారు. భోజనం చేసిన తర్వాత శరీరానికి బోలెడంత శక్తి వస్తుందని, అది సెక్స్ చేసేందుకు శక్తిని ఇస్తుందని భావిస్తారు. అలాగే, భోజనం జీర్ణం కావడానికి కూడా సెక్స్ ఉపయోగపడుతుందని అనుకుంటారు. కానీ, అలా చేయడం అంత మంచిది కాదని వైద్య నిపుణులు చెబుతున్నారు. భోజనం చేసిన తర్వాత సెక్స్ చేస్తే ఏం జరుగుతుంది? ఎలాంటి సమస్యలు వస్తాయి? తదితర వివరాలను ఇప్పుడు తెలుసుకుందాం.

భోజనం చేసిన వెంటనే వద్దు

లాక్‌డౌన్ నేపథ్యంలో కొత్తగా పెళ్లయిన జంటలు సమయాన్ని బాగానే సద్వినియోగం చేసుకుంటున్నాయి. అయితే, సమయం తెలియకుండా అదే పనిలో నిమగ్నం అవుతున్నారు. దేనికైనా ఒక మంచి సమయాన్ని పెట్టుకోవడం మంచిదే. కానీ, సెక్స్ విషయంలో అలా కాదు. మూడ్ ఎప్పుడు వస్తే.. అప్పుడే శృంగార సామ్రాజ్యంలో విహరించేందుకు సిద్ధమవుతారు. అయితే, ఈ పని భోజనం చేసిన వెంటనే చేయకపోవడమే ఉత్తమం అని నిపుణులు హెచ్చరిస్తున్నారు.

అసిడిటీ ఏర్పడే ప్రమాదం ఉంది

ఎక్కువ మంది భోజనం తర్వాతే సెక్స్ చేయడానికి ఇష్టపడతారు. అలా చేయడం వల్ల నష్టమే తప్పా.. లాభం ఉండదని హెచ్చరిస్తున్నారు. భోజనం చేసిన వెంటనే సెక్స్ చేయడం వల్ల కడుపులో మంట ఏర్పడుతుందని, అది క్రమేనా అసిడిటీకి దారి తీయవచ్చని చెబుతున్నారు. అంటే, భోజనానికి.. సెక్స్‌కు మధ్యం కనీసం రెండు గంటల గ్యాప్ ఉంటే మంచిది. ఆయుర్వేద వైద్యు నిపుణుల సూచనల ప్రకారం..అర్థరాత్రి వేళల్లో సెక్స్ చేయడం వల్ల ఎన్నో ప్రయోజనాలు ఉన్నాయట.

ఈ వేళల్లో.. మస్త్ మజా!

సెక్స్ చేయాలనే మూడ్ వస్తే.. కొందరు ముహూర్తాలను కూడా చూసుకోరు. అయితే, కొన్ని సమయాలను ఖచ్చితంగా పాటిస్తే తప్పకుండా మంచి సెక్స్‌ను ఆస్వాదించవచ్చని నిపుణులు చెబుతున్నారు. ముఖ్యంగా తెల్లవారుజాము 5 గంటల నుంచి 8 గంటల లోపు చేసే సెక్స్ భలే రసవత్తరంగా సాగుతుందట. తెల్లవారుజామున పురుషాంగం సైతం సెక్స్‌కు బాగా సహకరిస్తుందట. ఆ సమయంలో ప్రేరణ లేకుండానే పురుషాంగం గట్టిపడి పార్టనర్‌కు స్వర్గం చూపిస్తుందట. కానీ, స్త్రీలు మాత్రం ఈ సమయంలో సెక్స్ చేయడానికి ఇష్టపడరని పలు సర్వేలు చెబుతున్నాయి. ఇది కొంచెం బ్యాడ్ న్యూసే!

స్త్రీలకు ఏ సమయం మంచిది?

ఉదయం అల్పాహారానికి ముందే సెక్స్‌లో పాల్గోవడం ఉత్తమం. ముఖ్యంగా స్త్రీలు.. ఉదయం 8 గంటల నుంచి 10 గంటల మధ్యలో మాంచి ఉద్వేగంగా ఉంటారు. ఆ సమయంలోనే వారిలో ఎండార్ఫిన్ అనే హార్మోన్లు విడుదలవుతాయట. ఆ టైమ్‌లో వారిని రెచ్చగొడితే.. వారానికి సరిపడా సుఖాన్ని అందిస్తారట. కానీ, అబ్బాయిలు అప్పటివరకు ఓపిగ్గా ఉండగలరా అనేదే చిక్కు ప్రశ్న. అయితే, పురుషులు తలచుకుంటే సాధించలేనిది ఏదీ లేదు. సహనంతో ఒక గంట ఓర్చకుంటే.. ఇద్దరికీ అనుకూలమైన సమయంలోనే సెక్స్ చేసే ఛాన్స్ వస్తుంది.

మధ్యాహ్నం భోజనం తర్వాత సెక్స్ చేయొచ్చా?

మధ్యాహ్నం భోజనం తర్వాత కూడా సెక్స్ చేయకూడదు. కానీ, ఆ సమయం సెక్స్‌లో పాల్గోవడం చాలామంచిదని నిపుణులు తెలుపుతున్నారు. ఎందుకంటే.. మధ్యాహ్నం 2 గంటల నుంచి 4 గంటల మధ్య సెక్స్ స్త్రీ, పురుషులిద్దరికీ మంచిదేనట. ఆ సమయంలో పురుషుల నుంచి విడులయ్యే వీర్యం నాణ్యతగా ఉంటుందట. సంతానం కోసం ప్రయత్నించే జంటలకు ఈ సమయం చాలామంచిది. మీకు రోజు 2 గంటలకు లంచ్ చేసే అలవాటు ఉన్నట్లయితే.. ఒక గంట ముందు తినేందుకు ప్రయత్నించండి. 3 గంటల సమయంలో రొమాన్స్ మొదలుపెడితే.. 9 నెలల తర్వాత పండంటి బిడ్డ మీ చేతుల్లో ఉంటాడు. అలాగే రాత్రి.. 8 నుంచి 10 గంటల మధ్య సెక్స్ కూడా మంచిదని మరికొన్ని అధ్యయనాలు తెలుపుతున్నాయి.

భోజనం చేసిన తర్వాత ఎందుకు సెక్స్ చేయకూడదు?

హర్వార్డ్‌‌కు చెందిన గ్యాస్ట్రోఎంట్రాలజిస్ట్ డాక్టర్ వలేరీ అంటోయ్నీ గుస్టావే చెప్పిన వివరాల ప్రకారం.. కొన్ని ఆహారాల్లో కార్బో‌హైడ్రేట్ల స్థాయి చాలా ఎక్కువగా ఉంటుంది. వాటివల్ల కడుపులో గ్యాస్‌లు ఏర్పడే అవకాశాలు ఉంటాయి. భోజనం చేసిన తర్వాత శరీరం అత్యధిక రక్తాన్ని జీర్ణాశయానికి పంపుతుంది. దీనివల్ల వల్ల ఆహారం బాగా జీర్ణమవుతుంది. కాబట్టి.. భోజనం చేసిన తర్వాత వెంటనే నిద్రకి ఉపక్రమించకూడదు. ఎందుకంటే.. ఆహారం ఇంకా పొత్తికడుపులోనే ఉంటుంది. తిన్న వెంటనే సెక్స్ లేదా వ్యాయామాలు చేస్తే వికారం ఏర్పడుతుంది. ఆ జీర్ణసంబంధిత సమస్యలతోపాటు ఇతరాత్ర ఆరోగ్య సమస్యలను కొనితెచ్చుకొనే ప్రమాదం ఉంది.