ఈ అలవాట్లు ఉంటే మీ సక్సెస్‌ని ఎవరు ఆపలేరు..

 

ఈ అలవాట్లు ఉంటే మీ సక్సెస్‌ని ఎవరు ఆపలేరు..

హెల్దీ లైఫ్ స్టైల్ అంటే మంచి విషయాలని మంచి అలవాట్లుగా మార్చుకోవడం. అంటే, సరైన సమయానికి సరైన ఆహారం తీసుకోవడం, రెగ్యులర్ గా ఎక్సర్సైజ్ చేయడం, కొత్త విషయాలు నేర్చుకోవడం వంటివి అలవాటుగా మారిపోవాలి. అవి ఆటోమాటిక్‌గా రోజులో వాటికి కేటాయించిన సమయంలో జరిగిపోవాలి. తల్లిదండ్రులు, పెద్ద వాళ్ళు, టీచర్లు, మెడికల్ ప్రొఫెషనల్స్, పర్సనాలిటీ డెవలప్మెంట్ కోచెస్... అందరూ మంచి అలవాట్లు చేసుకోవడం గురించి చెప్తూనే ఉంటారు. కానీ, అవి ఎందుకు చేసుకోవాలో మీరెప్పుడైనా ఆలోచించారా? ఇదిగో, ఇక్కడ చూడండి.

మీ అలవాట్లే మీరు...

అలవాటు అంటే ఏమిటి? దాని గురించి ప్రత్యేకంగా ఆలోచించకుండా రోజూ చేసేదాన్ని అలవాటు అంటారు. అందరికీ కొన్ని అలవాట్లు ఉంటాయి. ఒక టైమ్‌కి నిద్ర లేవడం, ఒక పద్ధతిలో బ్రష్ చేసుకోవడం, ఒక టైమ్‌లో ఫ్రెండ్స్‌తో మాట్లాడడం వంటివి. అలవాట్లు మన లైఫ్‌లో ఎంతగా భాగం అయిపోతాయంటే అవే మనం అనిపించేంత. మీరు మారాలి అనుకుంటే మీరు ముందు చేయాల్సిన పని మీ అలవాట్లని మార్చుకోవడం.

మీ అలవాట్లని మార్చుకోవచ్చు...

అలవాటులో ఉండే మంచి లక్షణమేంటంటే మీరు దాన్ని మార్చుకోవచ్చు. చాలా కాలం నుండీ ఉన్న అలవాట్లని మార్చుకోవడం కొద్దిగా కష్టమవుతుంది, చెడు అలవాట్లని మార్చుకోవడం ఇంకా కష్టమవుతుంది - కానీ, మార్చుకోవడం అసాధ్యమేమీ కాదు. ఉదాహరణకి, మీరు హెల్దీ ఈటింగ్ హ్యాబిట్స్ పెంచుకోవాలనుకుంటే రోజుని గోరు వెచ్చని నీటితో, లేదా గోరు వెచ్చని నీటిలో తేనె, నిమ్మరసం వేసుకునో తాగడం మొదలు పెట్టండి. అప్పుడు పొద్దున్నే కాఫీ తాగే అలవాటు మారుతుంది.

మీ లక్ష్యానికి మిమ్మల్ని చేరువ చేస్తాయి...

మీరు ఒక మారథాన్ రన్నర్ అవుదామని అనుకున్నారనుకోండి. మీ సిటీ లో జరిగే ఫస్ట్ మారథాన్ లో పరిగెత్తడం మీ మొదటి స్టెప్ కాదు కదా. మారథాన్ రేస్ లో పాల్గొనాలంటే కావాల్సిన ఫిట్నెస్ కి సంవత్సరాల తరబడి ట్రైనింగ్ ఉండాలి. గోల్ రీచ్ అవ్వాలంటే చేయాల్సిన మొదటి పని దానికి కావాల్సిన అలవాటుని చేసుకోవడం.

అలవాట్లు జీవితాంతం ఉంటాయి...

మిమ్మల్ని డిఫైన్ చేసేది మీ అలవాట్ల వల్లే కాబట్టి మీ అలవాట్లు మీతో జీవితాంతం ఉంటాయి. మీరు అవతలి వారిని ఆనందంగా పలకరిస్తే మీరు సంతోషాన్ని పంచే వ్యక్తి అవుతారు. మీకు ప్రతి భోజనం లోనూ సలాడ్ తినే అలవాటుంటే మీరు ఆరోగ్యకరమైన వ్యక్తి అవుతారు.

మీ లైఫ్ ప్లాన్ కి అవసరం...

మీకు ఒక గోల్ ఉన్నప్పుడు దాన్ని రీచ్ అవ్వడానికి మీకు సహకరించేది మీ గోల్ కాదు, ఆ గోల్ సాధించడానికి మీరు ఫాలో అవుతున్న అలవాట్లు. అలవాట్లే మీ గోల్ రీచ్ అవ్వడానికి పునాది రాళ్ళు.

టైమ్ వేస్ట్ తగ్గుతుంది...

మనందరం ఎంతో టైమ్ వేస్ట్ చేస్తూ ఉంటాం. కానీ, మంచి అలవాట్లని పెంపొందించుకోవటం వలన ఈ టైమ్ వేస్ట్ తగ్గుతుంది. మన పని కూడా స్పీడ్ గా అయిపోతుంది.

మోటివేషన్ బదులు..

అందరికీ ఒక్కోరోజు అసలు ఏ పనీ చేయాలనిపించదు, ఎక్సర్సైజ్ చేయాలనిపించదు, వండుకుని తినాలనిపించదు. కానీ, ఈ అలవాట్లు మనకి ఇలాంటప్పుడు ఎంతో సాయం చేస్తాయి. ఉదాహరణకి, మనకి లేవగానే బ్రష్ చేసుకోవడం అలవాటు. బ్రష్ చేసుకోవాలి అని అనిపించకపోవడం ఎప్పుడూ జరగదు కదా. లేవడం, బ్రష్ చేసుకోవడం...ఈ రెండూ ఒక దాని తరువాత ఒకటి ఆటోమాటిక్ గా అయిపోతాయి. కానీ, బస్ జర్నీ లో ఉన్నప్పుడు లేవగానే బ్రషింగ్ కుదరదు. బస్ ఆపేవరకూ ఆగుతాం, ఏం చేయలేం కదా. కానీ, ఇంట్లో ఉన్నప్పుడు మళ్ళీ మన అలవాటు మామూలే. అలాగే, హెల్దీ ఈటింగ్ ని అలవాటు చేసుకున్నప్పుడు ఎప్పుడైనా జంక్ ఫుడ్ తిన్నా, మళ్ళీ మన అలవాట్ల లోకి మనం వచ్చేస్తాం.

అయితే, ఇలా మంచి అలవాట్లు చేసుకోవడానికి కూడా కొన్ని తేలిక పద్ధతులున్నాయి. అవేమిటో చూడండి మరి.

1. ఒక పెద్ద గోల్, దాన్ని రీచ్ అవ్వడానికి చిన్న చిన్న స్టెప్స్ - లైఫ్ లో సక్సీడ్ అవ్వడానికి రెండూ అవసరమే అని చెప్తున్నారు రిసెర్చర్స్. ఈ చిన్న చిన్న స్టెప్స్ ని మనం మన అలవాట్లుగా మార్చేసుకుంటే సరిపోతుంది.

2. "నేనివాళ్టి నుండీ ఎక్సర్సైజ్ చేస్తాను" అనుకోవడం కంటే, "నేనివాళ ఆఫీసు నించి ఇంటికొచ్చాక ఎక్సర్సైజ్ డ్రెస్ లోకి మారి, ఒక అరగంట సేపు సోషల్ మీడియా లో టైమ్ స్పెండ్ చేసి ఆ తరువాత అరగంట పాటూ నడుస్తాను" అనుకోవడం వల్ల అలవాట్లు తొందరగా ఫార్మ్ అవుతాయని అంటున్నారు.
3. ఒక కొత్త అలవాటు చేసుకుందామని ట్రై చేస్తున్నప్పుడు కొన్ని విషయాలు మనని వెనక్కి లాగుతాయి. ఉదాహరణకి, హెల్దీ ఈటింగ్ కి మారదామని అనుకుంటున్నప్పుడు ఇంట్లో ఉన్న ఇన్స్టంట్ ఫుడ్ మనని వెనక్కి లాగుతుంది. అలాంటివి రిమూవ్ చేయడం ద్వారా మన గోల్ ని రీచ్ అవ్వడం తేలిక అవుతుంది.

హెల్దీ హ్యాబిట్స్ ని ఫార్మ్ చేసుకోవడం వల్ల లైఫ్ ఇవాళే కాదు, రేపు కూడా బావుంటుంది. భవిష్యత్తు బంగారు బాట అవుతుంది. ఇదేమీ అసాధ్యమైన పనేమీ కాదు. కొంత విల్ పవర్, కొన్ని ట్రిక్స్ కలిస్తే మీకు కావాల్సిన హ్యాబిట్ ఫార్మ్ చేసుకోగలుగుతారు. ఆల్ ద బెస్ట్.