ఈ జ్యూసులు తాగితే ఇమ్యూనిటీ పెరుగుతుందట..

 

ఈ జ్యూసులు తాగితే ఇమ్యూనిటీ పెరుగుతుందట..

ప్రస్తుతం ఎక్కడికెళ్ళినా ఏం చేస్తున్నా అందరి మనసులో ఒకటే ఆలోచన, కరోనా సోకదు కదా అని. ఎన్ని జాగ్రత్తలు తీసుకుంటున్నా, మాస్కులు వేసుకుంటున్నా, సోషల్ డిస్టెన్స్ పాటిస్తున్నా, చేతులు సబ్బుతో కడుక్కుంటున్నా ఈ భయం మాత్రం వదలడం లేదు. ఎవరైనా మెజీషియన్ వచ్చి మన ఇమ్యూనిటీ లెవెల్స్ ని అమాంతం పెంచేస్తే బావుంటుంది కదా అని ఒక్క క్షణం అనిపిస్తుంది కానీ, అలా జరగదనీ, ఇమ్యూనిటీ స్లో గా పెరగాల్సిందే తప్ప ఏ మెజీషియన్ వల్లా అలాంటి పనులు సాధ్యపడవనీ మనకీ తెలుసు కదా. ఇమ్యూనిటీ బూస్టింగ్ రెసిపీస్ చాలానే ఉంటాయి. కానీ, ఒకసారి చేసిందే చేయాలన్నా, తీసుకోవాలన్నా విసుగ్గానే ఉంటోంది. అందుకే ఇక్కడ కొత్తగా మీ కోసం కొన్ని ఇమ్యూనిటీ బూస్టింగ్ రెసిపీస్.

* క్యారెట్, బ్లాక్ పెప్పర్, టర్మరిక్ జ్యూస్

1. ఒక చిన్న క్యారెట్, చిటికెడు పసుపు, ఒక టీ స్పూన్ మిరియాల పొడి తీసుకోండి.
2. బ్లెండర్ లో ఇవన్నీ వేసి తగినంత నీరు పోసి మీకు కావల్సినంత చిక్కగా జ్యూస్ చేయండి.
3. పొద్దున్నే ఈ జ్యూస్ తాగితే ఇంకా మంచిది.

* బీట్‌రూట్, క్యారెట్, యాపిల్ జ్యూస్

1. రెండు బీట్‌రూట్స్, మూడు క్యారెట్లు తీసుకుని బాగా కడిగి చెక్కు తీసి చిన్న ముక్కలుగా చేయండి.
2. ఒక గ్రీన్ యాపిల్ తీసుకుని చిన్న ముక్కలుగా చేయండి.
3. కొద్దిగా అల్లం తీసుకుని చెక్కు తీసి తురమండి.
4. ఒక నిమ్మకాయ రసం తీసి పెట్టుకోండి.
5. బ్లెండర్ లో ఇవన్నీ వేసి తగినంత నీరు పోసి జ్యూస్ తీయండి. నిమ్మ రసం చివర్లో కలపండి.

* గ్రీన్ జ్యూస్

1. నాలుగు కప్పుల పాల కూర శుభ్రంగా కడిగి తుంచి పెట్టుకోండి.
2. నాలుగు సెలరీ స్టాక్స్ కడిగి పెట్టుకోండి.
3. ఒక గ్రీన్ యాపిల్ తీసుకుని చిన్న ముక్కలు చేయండి.

4. ఒక గ్రీన్ పియర్ తీసుకుని చిన్న ముక్కలు చేయండి.
5. ఇవి బ్లెండర్ లో వేసి తగినంత నీరు పోసి జ్యూస్ తీయండి.
6. చివర్లో నిమ్మ రసం కలిపి తీసుకోండి.

* క్యారెట్, ఆరెంజ్, జింజర్ జ్యూస్

1. నాలుగు క్యారెట్లు చెక్కు తీసి చిన్న ముక్కలుగా చేయండి.
2. రెండు ఆరెంజెస్ వలిచి పెట్టుకోండి.
3. చిన్న అల్లం ముక్క చెక్కు తీసి చిన్న ముక్కలుగా తరిగి పెట్టుకోండి.
4. బ్లెండర్ లో ఇవన్నీ వేసి తగినంత నీరు పోసి జ్యూస్ తీయండి.

* యాపిల్, ఆరెంజ్, క్యారెట్ జ్యూస్

1. ఒక యాపిల్ తీసుకుని చెక్కు తీసి చిన్న ముక్కలుగా చేయండి.
2. ఒక ఆరెంజ్ వలిచి గింజలు తీసి పెట్టుకోండి.
3. రెండు క్యారెట్లు శుభ్రం గా కడిగి చెక్కు తీసి చిన్న ముక్కలు చేయండి.
4. ఇవన్ని కలిపి తగినంత నీరు పోసి బ్లెండ్ చేయండి.

* బీట్‌రూట్, క్యారెట్, జింజర్, టర్మరిక్

1. ఒక బీట్రూట్ తీసుకుని చెక్కు తీసి ముక్కలుగా తరగండి.
2. రెండు మూడు క్యారెట్లు చెక్కు తీసి చిన్న ముక్కలు చేయండి.
3. చిన్న ముక్క అల్లం చెక్కు తీసి సన్నగా తురమండి.
4. ఇవన్నీ బ్లెండర్ లో వేసి తగినంత నీరు పోసి, చిటికెడు పసుపు కూడా వేసి బ్లెండ్ చేయండి.

జ్యూసులు మంచివేనా..

మీరు పండ్లు కూడా తింటూ ఉన్నప్పుడు జ్యూసులు మేలు చేస్తాయి. పండు తినడం మానేసి కేవలం జ్యూసు మాత్రమే తీసుకుంటే అంత మంచిది కాదు. జ్యూసుల వల్ల వచ్చే లాభాలేమిటంటే:

1. బాడీ న్యూట్రియెంట్స్ ని తేలికగా అబ్జార్బ్ చేసుకుంటుంది.
2. ఇమ్యూన్ సిస్టమ్ ని బూస్ట్ చేస్తుంది.
3. శరీరం లో నుండి టాక్సిన్స్ ని రిమూవ్ చేస్తుంది.
4. డైజెషన్ కి హెల్ప్ చేస్తుంది.
5. బరువు తగ్గడానికి హెల్ప్ చేస్తుంది.

జాగ్రత్తలు:

1. జ్యూస్ ఎప్పటికప్పుడు ఫ్రెష్ గా తయారు చేసుకోవాలి.
2. పంచదార కలపకూడదు.
3. వీలున్నంత వరకూ బ్లెండ్ చేయడం వలన ఫైబర్ ని కోల్పోకుండా ఉంటాం.
4. జ్యూస్ తయారు చేశాక ఫ్రిజ్ లో పెట్టకుండా తాగేయాలి.

గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.