సీజనల్ వ్యాధులను దూరం చేసే విటమిన్ సి జ్యూస్..
విటమిన్ సి.. ఆరోగ్యానికి చాలా ముఖ్యం. దీని వల్ల అనేక సమస్యలు దూరం అవుతాయి. మరి అలాంటి విటమిన్ సి ఎలా పొందాలో తెలుసుకోండి.
సీజనల్ వ్యాధులను దూరం చేసే విటమిన్ సి జ్యూస్..
ప్రపంచ ఆరోగ్య సంస్థ (డబ్ల్యూహెచ్‌ఓ) ప్రకారం, వరిసెల్లా అని కూడా పిలువబడే చికెన్ పాక్స్ తీవ్రమైన, అత్యంత ప్రమాదకరమైన అంటు వ్యాధి. ఇది వరిసెల్లా-జోస్టర్ వైరస్ (VZV) తో ప్రాధమిక వైరస్ సోకడం వల్ల వ్యాపిస్తుంది. ఈ సమయంలో ప్రజలు వారి ఆరోగ్యంపై అదనపు శ్రద్ధ వహించాల్సిన అవసరం ఉంది. "రోగనిరోధక శక్తిని పెంచుకోవడం కాలానుగుణ వ్యాధులను నివారించడంలో సహాయపడుతుంది." విటమిన్ సి అధికంగా ఉండే పండ్లు మరియు కూరగాయల యొక్క జ్యూసులు తాగడం, వాటిని తినడం రోగనిరోధక శక్తిని పెంచే రెండు సాధారణ మార్గాలు. ఇప్పుడు విటమిన్ సి రిచ్ డ్రింక్‌ని ఎలా తయారు చేయాలో తెలుసుకోండి..
విటమిన్ - సి ప్రయోజనాలు: విటమిన్ సి-రిచ్ డ్రింక్ తయారీ విధానం
దోసకాయ:
కీరా దోసకాయ చాలా చల్లగా ఉండటమే కాకుండా ఖనిజాలు, విటమిన్లు మరియు ఎలక్ట్రోలైట్లు పుష్కలంగా ఉంటాయి. దోసకాయ మీ శరీరాన్ని తగినంత హైడ్రేట్ గా ఉంచడానికి సహాయపడుతుంది. కీరా దోసకాయలో 95 శాతం నీటి శాతం మరియు ఆస్కార్బిక్ ఆమ్లం, కెఫిక్ ఆమ్లం అనే రెండు సమ్మేళనాలు ఉన్నాయి. ఇది మన శరీరంలో ఎక్కువ నీరు ఉండేలా చేస్తుంది. దీనితో మన శరీరంలోని చెడు వ్యర్థ పధార్థాలు బయటికి పంపడానికి సహాయపడుతుంది. కీర దోసకాయలో కేలరీలు తక్కువగా ఉంటాయి, ఇది బరువు తగ్గడానికి చాలా బాగా ఉపయోగపడుతుంది.
నిమ్మ కాయ:
నిమ్మకాయ చాలా అవసరమైన విటమిన్లు మరియు ఖనిజాలతో నిండి ఉంటుంది. దీనిని చాలా వంటకాల్లో ఉపయోగిస్తారు. నిమ్మకాయలో విటమిన్ సి అధికంగా ఉంటుంది. కేలరీలు తక్కువగా ఉంటుంది. ఇది రోగనిరోధక శక్తిని పెంచడంలో మరియు బరువు తగ్గడంలో చాలా బాగా సహాయపడుతుంది. యుఎస్‌డిఎ డేటా ప్రకారం, 100-గ్రాముల నిమ్మ గుజ్జులో కేవలం 29 కేలరీలు ఉంటాయి. నిమ్మకాయ శరీరాన్ని డేటాక్సీఫైయింగ్ చేయడంలో సాయపడుతుంది. ఇది చెడు బ్యాక్టీరియాను బయటకి పంపుతుంది. ఇది కొన్నిసార్లు యురినార్ ట్రాక్ట్ ఇన్ఫెక్షన్లకు (యుటిఐ) దారితీస్తుంది. దీనిలోని ఆల్కలీన్ కారణంగా శరీరంలో నీటిని నిలుపుకోవటానికి, పిహెచ్ స్థాయిలు బాలన్స్ చేయడానికి సహాయపడుతుంది.
పుదీనా:
కొన్ని వందల సంవత్సరాల నుండి పుదినాను వంటకాల్లో ఉపయోగిస్తున్నారు. పుదీనాలో గొప్ప ఓషధ గుణాలు ఉన్నాయి. పుదీనా చాలా శక్తివంతమైన యాంటీఆక్సిడెంట్ లక్షణాలను కలిగి ఉందని మరియు రక్తంలో చక్కెర స్థాయిలను అదుపులో వుంచడానికి ఉపయోగపడుతుంది. చర్మం డామేజ్‌ని చికిత్స చేయడానికి అద్భుతమైనదని డైటిషన్ చెప్పారు. దీనిలో జీర్ణ క్రియను మెరుగుపరచడం వల్ల ఇది బరువు తగ్గించడంలో ముఖ్య పాత్ర వహిస్తుంది. పుదీనా వేగంగా జీవక్రియకు దారితీసే జీర్ణ ఎంజైమ్‌లను ప్రేరేపిస్తుంది. పుదీనా యొక్క శోథ నిరోధక లక్షణాలు దీర్ఘకాలిక దగ్గు వల్ల కలిగే చికాకును కూడా తొలగిస్తాయి.
విటమిన్ సి రిచ్ డ్రింక్ తయారు చేసుకోవడానికి మీకు కావలిసిన పధార్థాలు:
- ఒక దోసకాయ,
- సగం నిమ్మ కాయ ముక్క,
- ఒక కప్పు పుదీనా
- చిటికెడు నల్ల ఉప్పు
జ్యూస్ తయారు చేసే విధానం:
మీరు చేయాల్సిందల్లా ఒక మిక్సీ గిన్నెలో పదార్థాలన్నిటిని వేసి చిటికెడు నల్ల ఉప్పు లేదా చాట్ మసాలా వేసి బ్లెండ్ చేయడమే. ఇప్పుడు దీన్ని ఒక గ్లాసులోకి తీసుకుని తాగండి. ఇలా ప్రతిరోజూ ఒక గ్లాసు తాగితే మీ రోగనిరోధక శక్తి పెరుగుతుంది మరియు సీజనల్ వ్యాధుల నుండి బయటపడవచ్చు.
గమనిక: ఆరోగ్య నిపుణులు, అధ్యయనాల ప్రకారం ఈ వివరాలను అందించాం. ఈ కథనం కేవలం మీ అవగాహన కోసమే. ఆరోగ్యానికి సంబంధించిన ఏ చిన్న సమస్య ఉన్నా వైద్యులను సంప్రదించడమే ఉత్తమ మార్గం. గమనించగలరు.
Post a Comment