శుభవార్త.. భారీగా పడిపోయిన బంగారం ధర.. దిగొచ్చిన వెండి.. ఈరోజు రేట్లు ఇవే!

 

gold price

పసిడి పడిపోయింది. బంగారం ధర దిగొచ్చింది. గత రెండు రోజులుగా పెరుగుతూ వచ్చిన బంగారం ధర ఈరోజు వెలవెలబోయింది. భారీగానే తగ్గింది. బంగారం ధర బాటలోనే వెండి కూడా నడిచింది. హైదరాబాద్ మార్కెట్‌లో మంగళవారం బంగారం ధర తగ్గింది. 10 గ్రాముల 24 క్యారెట్ల బంగారం ధర రూ.530 తగ్గుదలతో రూ.52,380కు క్షీణించింది. అదేసమయంలో 22 క్యారెట్ల బంగారం ధర కూడా 10 గ్రాములకు రూ.490 దిగొచ్చింది. దీంతో ధర రూ.48,020కు తగ్గింది.

బంగారం ధర పడిపోతే.. వెండి ధర కూడా ఇదే దారిలో నడిచింది. కేజీ వెండి ధర కూడా రూ.510 దిగొచ్చింది. దీంతో వెండి ధర రూ.60,700కు పడిపోయింది. పరిశ్రమ యూనిట్లు, నాణేపు తయారీదారుల నుంచి డిమాండ్ మందగించడం ఇందుకు ప్రధాన కారణంగా చెప్పుకోవచ్చు.

Also Read: రైతుల అకౌంట్లలోకి రూ.12,000.. మీకు రాకపోతే వెంటనే ఇలా చేయండి!

మరోవైపు అంతర్జాతీయ మార్కెట్‌లో కూడా బంగారం ధర దిగొచ్చింది. బంగారం ధర ఔన్స్‌కు 0.06 శాతం తగ్గుదలతో 1918 డాలర్లకు క్షీణించింది. బంగారం ధర తగ్గితే వెండి ధర మాత్రం పైకి కదిలింది. వెండి ధర ఔన్స్‌కు 0.06 శాతం పెరుగుదలతో 24.57 డాలర్లకు చేరింది.

కాగా బంగారం ధరపై ప్రభావం చూపే అంశాలు చాలానే ఉన్నాయి. ద్రవ్యోల్బణం, గ్లోబల్ మార్కెట్ పసిడి ధరల్లో మార్పు, కేంద్ర బ్యాంకుల వద్ద ఉన్న బంగారం నిల్వలు, వడ్డీ రేట్లు, జువెలరీ మార్కెట్, భౌగోళిక ఉద్రిక్తతలు, వాణిజ్య యుద్ధాలు వంటి పలు అంశాలు పసిడి ధరపై ప్రభావం చూపుతాయి.