Anushka: పెళ్లి పీటలపై ప్రభాస్- అనుష్క! ఆనాడే జరిగిపోయింది.. సింగిల్ లైన్‌లో మ్యాటర్ చెప్పేసిన స్వీటీ

 

పెళ్లి పీటలపై ప్రభాస్- అనుష్క జోడీని చూసి ఖుషీ అవుతున్నారు ఆడియన్స్. మరి ఇది నిజమేనా? అయితే ఎప్పుడు వీరి పెళ్లి జరిగింది? అనే ఆసక్తికర విషయాలు చెబుతూ సూపర్బ్ రియాక్షన్ ఇచ్చింది అనుష్క.

 

పెళ్లి పీటలపై ప్రభాస్- అనుష్క!

టాలీవుడ్ మోస్ట్ ఎలిజిబుల్ బ్యాచిలర్ లిస్టులో మొదటి వరుసలో ఉన్న పేర్లు ప్రభాస్, అనుష్క. వెండితెరపై ఈ జోడీకి ఉన్న క్రేజ్ మరే జోడీకి లేదని చెప్పడంలో అతిశయోక్తి లేదు. బిల్లా, మిర్చి సినిమాలతో ప్రేక్షకుల దృష్టిలో పడి ఆ తర్వాత వచ్చిన బాహుబలి సిరీస్‌తో దేశవ్యాప్తంగా ఫేమస్ అయింది ఈ జంట. సిల్వర్ స్క్రీన్‌పై వీళ్ళ కెమిస్ట్రీ చూశాక వీరిద్దరి రిలేషన్, పెళ్లిపై చాలా రూమర్స్ బయటకొచ్చాయి. ఇద్దరి మధ్య లవ్ ట్రాక్ నడుస్తోందని, పెళ్లికి రెడీ అయ్యారని చెప్పుకున్నారు. ఈ పరిస్థితుల్లో పెళ్లి పీటలపై కూర్చొని చూడచక్కగా కనిపిస్తున్న ప్రభాస్-

అనుష్క ఫోటో ఒకటి వైరల్ కావడం, దానిపై అనుష్క రియాక్ట్ కావడం జరిగాయి.

ఈ ఫొటోలో పెళ్లిపీటలపై కూర్చొని ఎంతో సంతోషంగా అనుష్కతో ముచ్చటిస్తూ కనిపిస్తున్నారు ప్రభాస్. ఇద్దరి ముఖాల్లో కనిపిస్తున్న చిరునవ్వు ప్రేక్షకులను విశేషంగా ఆకట్టుకుంటోంది. ఇంతవరకూ బాగానే ఉంది కానీ.. ప్రభాస్- అనుష్క పెళ్లి పీటలెప్పుడు ఎక్కారు? సీక్రెట్‌గా పెళ్లి చేసుకున్నారా ఏంటి? అనేగా మీ సందేహం. చూడడానికి అలాగే ఉన్నా ఇది రియల్ మ్యారేజ్ కాదు.. రీల్ మ్యారేజ్. ఈ సీన్ 'మిర్చి' చిత్రం లోనిది. నిజం కాకపోయినా.. నిజం అయితే బాగుండు అనే ఆశతో ఈ ఫోటోను భద్రంగా దాచుకున్నారు ప్రేక్షకులు.

అయితే ఇటీవలే ట్విట్టర్‌లోకి అధికారికంగా అడుగుపెట్టిన అనుష్క.. నిన్న(ఆదివారం) మొదటిసారి అభిమానులతో ట్విట్టర్ వేదికగా ముచ్చటించింది. ఈ చిట్‌ చాట్‌లో ఓ నెటిజన్‌.. ఈ పిక్ షేర్ చేస్తూ దీనిపై మీ రియాక్షన్ ఏంటని అడిగాడు. దీంతో వెంటనే స్పందించిన స్వీటీ..''మిర్చి చిత్ర షూటింగ్‌లో సన్నివేశం గురించి మాట్లాడుకుంటున్నప్పుడు తీసిన ఓ అందమైన ఫోటో ఇది. మిర్చి నా హృదయానికి చేరువైన చిత్రం. యూవీ క్రియేషన్స్ వారి మొదటి చిత్రం. ప్రమోద్‌, వంశీ, విక్కి మంచి మనసున్న నిర్మాతలు'' అని తెలిపింది.

ఇకపోతే సినిమాలకు కాస్త గ్యాప్ ఇచ్చి రీ ఎంట్రీ ఇచ్చిన అనుష్క ఈ వారమే 'నిశ్శబ్దం' సినిమాతో ప్రేక్షకుల ముందుకొచ్చింది. ఓటీటీ వేదికగా విడుదలైన ఈ సినిమా మిశ్రమ స్పందన తెచ్చుకుంది. మరోవైపు ప్రభాస్ వరుస సినిమాలతో బిజీగా ఉన్నారు.