ప్రభాస్ ‘ఆదిపురుష్’లో డ్రీమ్ గర్ల్..? | Hema Malini To Act In Adipurush

 

పాన్ ఇండియన్ స్టార్ ప్రభాస్ హీరోగా తెరకెక్కుతన్న ప్రతిష్టాత్మక సినిమాల్లో ఒకటి ఆదిపురుష్. బాలీవుడ్ బడా డైరెక్టర్ సంజయ్ రౌత్ రూపొందిస్తున్నారు. దాదాపు 500 కోట్ల బడ్జెట్ తో నిర్మాణమవుతున్న ఈ సినిమాలో బాలీవుడ్ స్టార్ సైఫ్ అలీఖాన్ లాంటి స్టార్స్ నటిస్తున్నారు.

ప్రస్తుతం రాధేశ్యామ్ తో బిజీగా ఉన్న ప్రభాస్.. ఈ మధ్యనే సలార్ కూడా స్టార్ట్ చేశాడు. అయితే.. ప్రభాస్ టైట్ షెడ్యూల్ కారణంగా.. ప్రారంభోత్సవానికి కూడా వచ్చే వీలు లేకపోవడంతో రెబల్ స్టార్ లేకుండానే షూటింగ్ స్టార్ట్ మొదలు పెట్టనున్నాడట దర్శకుడు. ఈ షెడ్యూల్ లో మిగిలిన సన్నివేశాలను చిత్రీకరించనున్నట్టు సమాచారం.

అయితే.. ఈ చిత్రానికి సంబంధించి ఎన్నో రూమర్స్ ప్రచారంలో ఉన్నాయి. లేటెస్ట్ గా మరో రూమర్ తెరపైకి వచ్చింది. ఇది నెటిజన్లను కూడా బాగా ఆకట్టుకుంటోంది. ‘ఆదిపురుష్’లో మాజీ హీరోయిన్ డ్రీమ్ గర్ల్ హేమా మాలిని ఓ కీలక పాత్రలో నటించబోతున్నారనే చర్చ నడుస్తోంది. చాలా కాలంగా హేమా మాలిని సినిమాలకు దూరంగా ఉంటున్న విషయం తెలిసిందే.

ఈ మధ్యలో కొన్ని సినిమాల్లో కనిపించినా.. ఎంతో ప్రాముఖ్యత కలిగిన పాత్ర అయితే తప్ప ఆ సినిమాలు చేయట్లేదు. అయితే.. హాలీవుడ్ రేంజ్ లో రూపొందించబోతున్న ఆదిపురుష్ లో అత్యంత కీలక పాత్ర ఉందట. ఆ పాత్రకు హేమా మాలిని అయితేనే న్యాయం జరుగుతుందని భావించిన యూనిట్.. ఆమెను సంప్రదించింది. చివరకు ఒప్పించారని కూడా తెలుస్తోంది.

ఇక ఈ సినిమా కోసం ప్రభాస్ బాడీ కూడా పెంచనున్నాడట. భారీ కాయుడిగా కనిపించాల్సిన అవసరం ఉండడంతో రెబల్ స్టార్ కసరత్తులు చేసేందుకు సిద్ధమవుతున్నాడట. మొత్తానికి ప్రారంభంలోనే మంచి హైప్ క్రియేట్ చేసిన ఆదిపురుష్.. తెరపై ఎలా ఉంటుందో చూడాలి.