ప్రమాదంలో Hyd మెట్రో పిల్లర్లు? వరదకు చుట్టూ కుంగిన భూమి.. వీడియో

Hyderabad Metro: మూసాపేట్ మెట్రో స్టేషన్ వద్ద మెట్రో పిల్లర్ల చుట్టూ రోడ్డు కుంగిపోయింది. వరద తాకిడికి మెట్రో పిల్లర్ చుట్టూ నిర్మించిన సర్ఫెజ్ వాల్ (రక్షణ గోడ) సైతం ధ్వంసమై కొట్టుకుపోయింది.

పిల్లర్ల చుట్టూ కుంగిపోయిన రోడ్డు

హైదరాబాద్‌లో కురుస్తున్న భారీ వర్షాలకు ఇప్పటికే ఎంతో నష్టం కలుగుతోంది. లోతట్టు ప్రాంతాల్లో ఉండే ప్రజలు వరద నీటి తాకిడికి బిక్కుబిక్కుమంటూ ఉండాల్సి వస్తోంది. తాజాగా రోడ్లపై ప్రవహిస్తున్న వేగవంతమైన వరద తాకిడి మెట్రో పిల్లర్లను సైతం దెబ్బతీసే సూచనలు కనిపిస్తున్నాయి. ఎందుకంటే మూసాపేట్ మెట్రో స్టేషన్ వద్ద మెట్రో పిల్లర్ల చుట్టూ రోడ్డు కుంగిపోయింది. వరద తాకిడికి మెట్రో పిల్లర్ చుట్టూ నిర్మించిన సర్ఫెజ్ వాల్ (రక్షణ గోడ) సైతం ధ్వంసమై కొట్టుకుపోయింది.

రెండు మెట్రో పిల్లర్ల చుట్టూ రోడ్డు కుంగిపోయి అక్కడ నీరు నిలిచింది. ఇలాంటి స్థితిలోనే మెట్రో రైళ్లు రాకపోకలు సాగిస్తున్నాయి. చుట్టూ రోడ్డు కుంగిపోవడం వల్ల మెట్రో రైలు వంతెన పిల్లర్లకు ఏదైనా నష్టం ఉంటుందో లేదో అధికారులే స్పష్టం చేయాల్సి ఉంది. కానీ, పిల్లర్ల చుట్టూ కాస్త లోతుగా రోడ్డు కుంగిపోయి నీళ్లు నిలవడం చూసిన వారిని ఆందోళనకు గురి చేస్తోంది. వరద నీటి తాకిడిలో నగరంలో చాలా మెట్రో స్టేషన్లు ఉన్న వేళ ఎలాంటి చర్యలు తీసుకుంటారనే అంశం ఆసక్తికరంగా మారింది.

మరోవైపు, రోడ్డు కుంగిపోవడంతో మూసాపేట్‌ వద్ద వాహన రాకపోకలకు కూడా అంతరాయం ఏర్పడింది. కుంగిన భాగం చుట్టూ తాడు ఏర్పాటు వాహనాలను పోనిస్తున్నారు. మరోవైపు, స్టేషన్ సిబ్బంది మోటార్లు ఏర్పాటు చేసి కుంగిన భాగంలో నిలిచిన నీటిని ఎత్తిపోస్తున్నారు.